የኢትዮጵያ ንግድ ሥራዎች ኮርፖሬሽን የአትክልት እና ፍራፍሬ ምርት ጥራቱና ደህንነቱ የተጠበቀ ማድረግ የሚያስችል ማቀዝቀዣ መጋዘንን ጨምሮ ሁለገብ ሕንጻ ለማስጀመር የሚያስችል የመሰረት ድንጋይ ማስቀመጥ ስነ-ስርዓት የካቲት 25/2015 ዓ.ም በአቃቂ ቃሊቲ ክፍለ ከተማ የሺ ቶታል ነዳጅ ማደያ አጠገብ በሚገኘው የኮርፖሬሽኑ ይዞታ ውስጥ አከናወነ።

የኮርፖሬሽኑ ዋና ሥራ አስፈጻሚ አቶ አቻ ደምሴ የመሰረት ድንጋይ የማስቀመጥ ስነ-ስርዓቱ ላይ ባደረጉት ንግግር የሁለገብ ህንጻው ግንባታ ከ 1.24 ቢሊዮን ብር በላይ በሆነ ወጪ እንደሚሰራና የሕንጻው ግንባታ በአራት ዓመታት ውስጥ እንደሚጠናቀቅ ገልጸዋል፡፡ ዋና ሥራ አስፈጻሚው አያይዘውም በተለይም የማቀዝቀዣ ግንባታው የአትክልትና ፍራፍሬ ምርቶች ሳይበላሹ፣ ጥራታቸውን እንደጠበቁ እና በተመጣጣኝ ዋጋ ተጠቃሚው ጋር እንዲደርሱ ለማድረግ እና አምራቹ ምርቱ ገበያ እንዲያገኝ ለማበረታታት ያለው ፋይዳ ከፍተኛ መሆኑን ተናግረዋል፡፡

በስነ-ስርዓቱ ላይ የተገኙት የኮርፖሬሽኑ የዳይሬክተሮች ቦርድ ሰብሳቢ ክቡር አቶ ሀሰን ሙሁመድ በበኩላቸው የሚገነባው ህንጻ ለሃገርና ለህዝብ የሚጠቅም መሆኑን በመጠቆም የመሰረት ድንጋይ የተጣለበትን እለት ታሪካዊ ቀን ሲሉ ገልጸውታል፡፡ ህንጻው በተያዘለት የጊዜ ገደብ ተሰርቶ እንዲጠናቀቅ የሚመለከታቸው ኃላፊዎች በትጋት እንዲሰሩ ጠይቀው የስራ አመራር ቦርዱም አስፈላጊውን ድጋፍ እንደሚያደርግ አረጋግጠዋል፡፡

የሚገነባው ሕንጻ ሁለት መሰረት ያለው ባለ አስር ወለል ቅይጥ የአገልግሎት ህንጻ እና ዘመናዊ ባለማቀዝቀዣ መጋዘን የያዘ ሲሆን በተጨማሪም የገበያ ማዕከል፣ ላቦራቶሪዎች እና የመኪና ማቆሚያ ስፍራን ያካተተ እንደሆነ ተጠቅሷል፡፡ ኮርፖሬሽኑ ዘመናዊ ቴክኖሎጂ በመተግበር የአትክልትና ፍራፍሬ ምርቶች አቅርቦትን በጥራት ለህብረተሰቡ ተደራሽ ለማድረግ እየሰራ መሆኑ በስነ-ስርዓቱ ወቅት ተመላክቷል።

የኢትዮጵያ ንግድ ሥራዎች ኮርፖሬሽን የአዲስ አበባ ንግድና የዘርፍ ማህበራት ምክር ቤት ከየካቲት 16-20/2015 ዓ.ም "የወጪ ንግድ ለዘላቂ ልማት" በሚል መሪ ቃል እያካሄደ ባለው ዓውደ ርዕይ ላይ በመሳተፍ ላይ ይገኛል፡፡

ዓውደ ርዕዩ የአገራችንን የግብርና እና ኢንዱስትሪ ምርቶችን በአጠቃላይ ለአገር ውስጥና ከውጭ ሃገራት ተሳታፊ ለሚሆኑ ጎብኝዎች ማስተዋወቅን ዓላማው አድርጓል፡፡ በዓውደ ርዕዩ ላይ የሃገር ውስጥና የውጭ ሃገራት አምራቾች በመሳተፍና ግብይት በማካሄድ ላይ ናቸው፡፡

ኮርፖሬሽኑ ለገበያ የሚያቀርባቸው ጥራታቸውን የጠበቁ የቡና፣ የቅባት እህል፣ የጥራጥሬና ቅመማ ቅመም ምርቶች፣ ልዩ ልዩ የአትክልትና ፍራፍሬ፣ በፋብሪካ የተቀነባበሩና የግብርና መሠረታዊ ምርቶችን፣ ለህብረተሰቡ ፍጆታ የሚውሉ መሠረታዊ የምግብን የንጽሕና መጠበቂያ ሸቀጦችና ሌሎችንም ምርቶቹን በማስተዋወቅ ላይ ይገኛል፡፡

የማኅበራዊ ትስስር ገጾቻችችን በመቀላቀልና ድረገጻችን በመጎብኘት የምርትና አገልግሎት መረጃዎችን በቀላሉና በፍጥነት ያግኙ!

ድረገጽ፡- https://www.etbc-ethiopia.com
ፌስቡክ፡- https://www.facebook.com/etbcofficial
ቴሌግራም፡- https://t.me/etbcinfo
ዜና ኢንሥኮ አንድሮይድ መተግበሪያ፡- https://t.ly/DiXR
ዩትዩብ ቻነል፡- https://www.youtube.com/@etbcinfocom4858

አስተያየትዎን በኢሜይል አድራሻችን This email address is being protected from spambots. You need JavaScript enabled to view it. ያድርሱን፡፡
ኮርፖሬት ኮምዩኒኬሽን ጉዳዮች ዳይሬክቶሬት

የኢትዮጵያ ንግድ ሥራዎች ኮርፖሬሽን የሚያከናውናቸውን የግብይት ሥራዎች ለማሳለጥ የሚያገለግሉ ተጨማሪ አራት ከባድ ተሽከርካሪዎች ግዢ አከናወነ፡፡ የተሽከርካሪ ርክክቡ በኮርፖሬሽኑ ዋና መ/ቤት በተከናወነበት ወቅት አንደተገለጸው የተገዙት ተሽከርካሪዎች እያንዳንዳቸው 50 ኩንታል፣ በድምሩ 200 ኩንታል የመጫን አቅም ያላቸው ሲሆን በአጠቃላይ ከ11.4 ሚሊየን ብር ወጪ ተደርጎባቸው ኢትዮ ኒፖን ከተባለው ኩባንያ የተገዙ ናቸው፡፡

የኢትዮጵያ ንግድ ሥራዎች ኮርፖሬሽን በአገር ውስጥ የሚታየው የዘይት ምርት ዋጋ ንረትና አቅርቦት እጥረት ለመቅረፍ በመንግሥት በተላለፈው ውሳኔ ከተገዛው ውስጥ  የ5 ሚሊየን ሊትር የፓልም ዘይት ሥርጭት እያከናወነ ነው፡፡

ጅቡቲ ከሚገኘው ጎልደን አፍሪካ የተባለ የምግብ ዘይት አምራች ኩባንያ በኮርፖሬሽኑ በኩል ተገዝቶ የቀረበው ይህ ምርት ኮርፖሬሽኑ በአጠቃላይ ውል ከተፈራረመበት 21.5 ሚሊየን ሊትር የዘይት ምርት ከታኅሣሥ 21 ቀን 2015 ጀምሮ በተካሄደው የመጀመሪያ ዙር የምርት ሥርጭት 2,389,660 ሚሊየን ሊትር ዘይት በኮርፖሬሽኑ የምርት ማከፋፈያ ማዕከላት አማካኝነት በባህር ዳር፣ ጎንደር፣ ደሴ፣ ጋምቤላ፣ ጅማ፣ ድሬዳዋ እና አዲስ አበባ ከተሞች ተሠራጭቷል፡፡

የዘይት ምርቱ መንግሥት ባወጣው የዋጋ ተመን መሠረት በሸማቾች የኅብረት ሥራ ማኅበራትና በተፈቀደላቸው አቅራቢዎች አማካኝነት ከንግድና ቀጠናዊ ትስስር ሚኒስትር በተላለፈው ኮታ መሰረት ለኅብረተሰቡ በተመጣጣኝ ዋጋ ነው እየቀረበ ይገኛል፡፡ ቀሪው ዘይት በተከታታይ ወደ ሃገር ውስጥ በማስገባት የሚሰራጭ ይሆናል፡፡

በሌላም በኩል ኮርፖሬሽኑ የአገር ውስጥ ገበያን በማረጋጋት ተልዕኮው በዓሉን በማስመልከት ነጭ ጤፍ እና የዳቦ ዱቄት ለመንግሥት ሠራተኞች፣ እና ለልዩ ልዩ ተቋማት  በዝቅተኛ  ዋጋ በማቅረብ ላይ ይገኛል፡፡